Minneutstilling i Sogndalsdalen

Det vert minneutstilling etter biletkunstnar Kristi Ylvisaker i Galleri Instituttet i Svedal, Sogndalsdalen. Utstillinga har fått tittelen «Lyttande i livet». Elsa Eikaas og Aase Skrivervik stiller òg ut under minneutstillinga.

Det vert stilt ut arbeid frå ulike epokar i Ylvisaker sitt kunstnarvirke – frå 1970-talet og fram til og med 2010. Alle arbeida er i privat eige.

Jølstringen Elsa Eikaas har jobba innan ulike kunst- og handverksuttrykk. Ho har m.a. gjort seg bemerka med ein betydeleg produksjon av biletvev, t.d. alterteppet til kappellet ved Haukeland sjukehus. Eikaas har dessutan hatt utsmykkingsoppdrag over heile landet. Ved dette høvet er det akrylmåleri og kolteikningar ho stiller ut.

Aase Skrivervik, som kjem frå Gloppen, er keramikar. Ho har kunstutdanninga si frå England, og ved sidan av utstillingar og ulike prosjekt har ho hatt ei rekkje utsmykkingsoppdrag i løpet av si kunstnarkarriere. Skrivervik sine arbeid er til sals under utstillinga.

Velkomen til minneutstilling i Sogndalsdalen.

!bilde undefined!